Одоогоос яг 10 жилийн өмнө энэ өдөр буюу 2012.08.24-нд Энэрэлийн Түүчээ ТББ үүсгэн байгуулагдсан билээ. Хөдөлгөөний бэрхшээлтэй хоёр гуравхан хүүхэдтэй, хонгилын өрөөнд хөдөлгөөн засал, хөгжүүлэх сургалтаар эхэлж байсан энэ байгууллага өнөөдөр 10 нас хүрч байна.
2022.05.21-ны өдөр "Эцэг эхийн өдөрлөг-2022" арга хэмжээ маань ёслол төгөлдөр сайхан болж өнгөрлөө.
Манай үйлчилгээнд хамрагдаж буй хүүхдүүдийн 70-80 хувьд хэл яриа эсвэл харилцааны хувьд багагүй дэмжлэг шаардлагатай байдаг.
Тогтвортой хөгжлийн боловсрол-2 төслийн дэмжлэгтэйгээр Насан туршийн боловсролын үндэсний төв нь Энэрэлийн Түүчээ ТББ-тай хамтран насан туршийн боловсролын багш нарын тогтвортой хөгжил /мэдээллийн технологи, хиймэл оюун ухаан, тэгш хамрах, тэгш боломж/-ийн мэдлэг ойлголтыг нэмэгдүүлэх, арга зүйн дэмжлэг үзүүлэх зорилгоор “Тогтвортой хөгжил-Тэгш хамруулах боловсрол” онлайн сургалтыг 2021 оны 12 дугаар сарын 18, 27, 28-ны өдрүүдэд зохион байгууллаа.
Холбооны Бүгд Найрамдах Герман улсын “Sächsische JugenstiftungIAE e.V.” / Заксен мужийн “Genialsozial” хэмээх залуусын тэтгэлгийн сангийн дэмжлэгээр Энэрэлийн Түүчээ ТББ, Германы "Integrationsgemeinschaft ausländischer Erwerbsträger e.V." IAE e.V. нийгэмлэгтэй хамтран хэрэгжүүлж буй “Чадавхжуулах сургалт”-ын 2021.09.06-09-ны өдрүүдэд Баянгол дүүргийн аргазүйчдэд "Нярай, балчир насны хүүхдийн хөгжлийн түвшинг тогтоон, хөгжлийн хоцрогдлыг эрт илрүүлэх нь" сэдвээр сургалт зохион байгууллаа. Хүүхдийн хөгжлийн түвшинг аль болох эрт үед нь тогтоон, тохирсон дэмжлэгийг өгөх нь хүүхдийн хөгжлийг дэмжих үйл ажиллагаанд чухал ач холбогдолтой. Сургалтад хамрагдсан аргазүйчид маань өөрсдийн цэцэрлэгийн багш нартаа 2021.09.13-17-ны өдрүүдэд дээрх сэдвийн хүрээнд сургалт зохион байгууллаа.
Энэрэлийн Түүчээ ТББ нь хөгжлийн бэрхшээлтэй хүүхдийн эрхийг хамгаалах, тэдний боловсролд тэгш хамрагдах боломжийг бүрдүүлэхэд хувь нэмрээ оруулах төрөл бүрийн төсөл, хөтөлбөр хэрэгжүүлсээр ирсэн бөгөөд үүний нэг нь хөгжлийн хоцрогдлыг эрт илрүүлэх, хэрэглэхэд хялбар аппликейшныг нутагшуулах төсөл юм. Энэ хүрээнд Мицүбиши Корпорацийн санхүүгийн дэмжлэгтэйгээр олон жилийн судалгаанд үндэслэсэн, Дэлхийн Эрүүл Мэндийн Байгууллагын ICF-CY (Үйл ажиллагааны олон улсын ангилал-Хүүхэд/Залуучууд) тулгуурлан боловсруулсан энгийн үг хэллэгтэй, цахим болон цаасан хувилбар бүхий, нярай, балчир насны хүүхдийн хөгжлийн түвшинг тогтоон, хөгжлийн хоцрогдлыг эрт илрүүлэх үнэлгээний програмыг албан ёсны эрхтэйгээр монгол хэл дээр хүргэхэд бэлэн болоод байна.